UPDATE: Estudyante tumalon sa school building, patay

UPDATE: Estudyante tumalon sa school building, patay

January 24, 2023 @ 9:49 AM 4 days ago


MANILA, Philippines – Winakasan ng isang lalaking estudyante ang kanyang sariling buhay matapos itong tumalon mula sa ika-siyam na palapag ng Lucio C. Tan na gusali sa loob ng campus ng University of the East sa Caloocan City.

Hindi na umabot ng buhay sa Manila Central University (MCU) Hospital sanhi ng tinamong pinsala sa ulo at katawan ang 19-anyos na senior high school student ng UE Caloocan Campus, residente ng Navotas City.

Base sa imbestigasyon nina PCpl Deojoe Dador at PCpl Ryan C Ocampo kay, dakong alas-6:25 ng umaga nang maganap ang insidente sa bakanteng lote sa likod ng LCT Building ng University of the East – Caloocan Campus, Samson Road, Barangay 80.

Sa ulat ng pulisya, nagtungo umano ang biktima sa rooftop 9th floor ng LCT building at tumalon na agad na isugod sa nasabing pagamutan ng security ng University.

Ayon sa pulisya, nakuha ng saksing si Ariel Victoria Mallari, 45, maintenance personnel ng UE ang isang hand-written suicide note:

“Mom, I left a note under my drawing pad at my desk. It’s not your fault, I’m sorry. I really sorry mom.”

Isa pang suicide note ang nakita sa desk ng biktima na naglalaman ng mga katagang:

“Password is: Sensational 2022, I repeat, Sensational 2022. Also, it’s not your fault. It’s mine, I just got tired of this world. I’m sorry. There’s a few requests I have, just look at the desktop after logging in.”

Patuloy naman ang imbestigasyon ng pulisya hinggil sa nasabing insidente. R.A Marquez

 

PAHAYAG NG PAMUNUAN NG UNIVERSITY OF THE EAST