MANILA, Philippines- Naaresto ng security personnel ang hindi pinangalanang lalaki sa kanyang bomb joke sa Metro Rail Transit Line 3 (MRT-3), at dinala sa local police station nitong Miyerkules.

Inihayag ng MRT-3 management nitong Huwebes na nakapila ang lalaki sa baggage inspection ng Shaw Boulevard station ng rail line nang arestuhin ng security personnel dahil sa bomb joke.

“The passenger was turned over to the Wack Wack Police Station, Substation 3 at about 9 p.m. of the same day,” pahayag ng pamunuan.

Nagsagawa na ang Mandaluyong City Prosecutor’s Office ng preliminary investigation sa insidente habang kasalukuyang nakaditine ang suspek sa Mandaluyong City Police Station.

Nahaharap ang suspek sa kasong paglabag sa Presidential Decree 1727 o “Anti-Bomb Joke Law.”

Umapela naman ang MRT-3 management sa publiko na iwasan ang bomb jokes at pekeng bomb threats sa loob ng MRT-3 premises dahil ito ay “serious crime and may cause unnecessary inconvenience to the operations.” RNT/SA

MANILA, Philippines- Magsisimula ang aplikasyon para sa kompensasyon sa mga indibidwal at grupo na apektado ng oil spill sa Oriental Mindoro sa Lunes, ayon sa insurer ng lumubog na motor tanker nitong Huwebes.

Sa press briefing, inihayag ni Atty. Valeriano del Rosario, abogado ng insurer na P&I Club ng MT Princess Empress, na magtatatag ng local claims offices sa mga apektadong lugar.

“On the week of 27 March 2023, the first claim offices, also known as claims caravan, will open in Calapan City, Oriental Mindoro and it will act as the collecting point for the claimants to submit their completed claim forms,” pahayag niya.

“Subsequently, we will also see the opening of local claims offices in the other affected barangays as well,” dagdag ng abogado.

Bas ekay Oriental Mindoro Governor Humerlito Dolor, kinumpirma ng P&I Club sa pulong nitong Huwebes ng umaga na tumatanggap na sila ng aplikasyon para sa kompensasyon.

“Nagkumpirma na simula Lunes, ika-27 ng Marso, tatanggap na po sila at sila ay makapag-establish na ng claims office,” aniya.

Sinabi mo Del Rosario na kabilang sa claimants ang mga indibidwal, korporasyon at local government units na apektado ng oil spill.

Inabisuhan anman sila na magdala ng accomplished claim forms sa designated offices na may supporting documents at proof of their loss, batay kay Del Rosario.

Idinagdag niya na bubusisiin ang claims forms.

Aniya pa, depende ang komputasyon ng claims sa claimants at kategorya ng kanilang claims.

May karga ang motor tanker Princess Empress na halos 900,000 litro ng industrial fuel oil nang lumubog ito dahil sa malakas na alon noong February 28. Nailigtas naman ang 20 sakay nito.

May kabuuang 163,508 inidbidwal o 34,555 pamilay sa Mimaropa at Western Visayas ang apektado ng oil spill, base sa National Disaster Risk Reduction and Management Council  (NDRRMC) hanggang nitong Miyerkules.

Idineklara na rin ang state of calamity sa 10 lungsod at munisipalidad, base sa NDRRMC.

Hindi naman bababa sa 192 tao ang nagkasakit dahil sa oil spill. RNT/SA

MANILA, Philippines- Nadakip ng Quezon City Police District (QCPD) ang apat na tulak ng shabu matapos na kumagat sa magkahiwalay na buy-bust operation sa nasabing lungsod.

Kinilala ni QCPD Director PBGEN Nicolas Torre III ang unang nadakip na sina Hafida Ditanungan, 39-anyos, nakalista bilang No. 5 District Level Drug Personality Priority Target, residente ng Brgy. Silangan Cubao, Q.C. at Lyndon Jake Fortuno, 32, ng Project 8, Q.C.

Ayon kay District Drug Enforcement Unit (DDEU) chief PMAJ Hector Ortencio, dakong ala-1:50 ng hapon (March 22) nang magsagawa ng drug operation sa Room 8201 ng Glory Hotel sa kahabaan ng Ermin Garcia St., Brgy. Silangan, Cubao, Q.C.

Ang mga suspek ay nadakip ng pinagsanib na pwersa ng DDEU na pinangunahan ni assistant chief PMAJ Wennie Ann A Cale at PCPT Roland A Vergara ng Cubao Police Station (PS 7).

Nakumpiska mula sa dalawa ang 40 gramo na shabu na nagkakahalaga ng P272,000, dalawang cellular phones itim na belt bag, brown coin purse, weighing scale gayundin ang buy-bust money.

Samantala bandang alas-5:30 ng umaga (March 23) nang madakip naman ng DDEU sina Raymond Silvestre at Michael John Perez sa harapan ng 103 Area 2 Bicol Area, Brgy. Holy Spirit, Q.C.

Narekober mula sa mga suspek ang 10 grams ng shabu na may halagang P68,000, itim na coin purse at buy-bust money.

Nakapiit na ang apat na kapwa nahaharap sa paglabag sa RA9165 o ang Comprehensive Dangerous Drugs Act of 2002. Jan Sinocruz

MANILA, Philippines- Patay ang isang traffic enforcer matapos tumbukin ng trailer truck at magulungan habang nasa kasagsagan ng pagmamando ng trapiko kahapon sa lungsod ng Quezon.

Kinilala ni Traffic Sector 1 commander CAPT Napoleon Cabigon ang biktima na si Jeffrey Antolin, 35-anyos, miyembro ng Department of Order and Safety (DPOS), residente ng No. 9 Tinagan St. Barangay San Jose Q.C.

Kinilala naman ang suspek na si Joel Dimacali, 47, nakatira sa 921 Asuncion St Tondo Manila, drayber ng Isuzu Tractor Head na may plakang AAQ-7032 na nakarehistro sa Cyrus Logistics Incorporated na matatagpuan
sa 2108 Centara Hotel Manila Del Pilar Brgy 430 Malate Manila.

Ayon kay PSSG Jayson Gutierrez, may hawak ng kaso, dakong alas-5:30 ng hapon (March 22) nang maganap ang insidente sa kahabaan ng A Bonifacio avenue sa harap ng Cloveleaf Ayala Mall Brgy Balingasa Q.C.

Lumalabas na habang nagpapatawid ng mga tao sa pedestrian lane si Antolin ay hindi naman huminto ang trak sanhi upang siya ay mabangga at magulungan.

Sinasabi na nagawa pang mailigtas ng biktima ang isang siklista na papatawid sa lugar.

Mabilis naman na isinugod ng Barangay Balingasa ambulance si Antolin sa MCU hospital subalit bandang alas-6:34 ng gabi nang ideklara ni Dr. Tennesse Estrada na binawian na ng buhay ang biktima.

Nakapiit na si Dimacali na nahaharap sa kasong reckless imprudence resulting to homicide sa Quezon City Office of the Prosecutor. Jan Sinocruz

CAMARINES SUR- Hindi na nakauwi nang buhay sa kanilang tahanan ang isang babae na umano’y dumayo ng inuman sa kanilang lugar, iniulat kahapon sa bayan ng Lagonoy.

Kinilala ang biktimang si Grace Briones, 26-anyos, residente ng Zone 1, Barangay Agpo sa nasabing bayan.

Batay sa report ng Municipal Disaster Risk Reduction Management Office (MDRRMO)-Lagonoy, bandang alas-4 nga hapon nitong Lunes natagpuan ang bangkay ng biktima na nagpalutang-lutang sa irigasyon ilang metro ang layo sa tahanan ng biktima.

Lumabas sa imbestigasyon, bago ang insidente Linggo ng hapon ay dumayo ang biktima ng inuman sa kanilang lugar subalit kinabukasan ng Lunes ay hindi na ito nakauwi pa.

Ilang residente ang nakakita sa bangkay ng biktima na nakalutang at agad na ipinagbigay-alam sa mga awtoridad ang pangyayari.

Hinala ng mga awtoridad posibleng sa sobrang kalasingan ng biktima habang pauwi sa kanilang bahay ay nahulog ito sa irigasyon na naging sanhi ng kanyang kamatayan.

Patuloy naman ang imbestigasyon ng mga awtoridad sa para alamin kung walang foul play sa naturang insidente. Mary Ann Sapico