Villanueva: Digital Workforce Competitiveness Act, aprub na sa Senado

May 31, 2022 @ 12:41 PM 4 weeks ago

MANILA, Philippines- Aprubado na ng Senado sa third and final reading ang Senate Bill No. 1834, o ang Philippine Digital Workforce Competitiveness Act, na naghahanda sa manggagawang Pilipino para sa mga makabagong trabaho sa pamamagitan edukasyon at training ng digital skills.

Sinabi Sen. Joel Villanueva, ang principal author at principal sponsor ng panukalang batas, na sinusuportahan ng S.B. 1834 ang pagiging globally competitive ng manggagawang Pilipino sa digital careers na bunsod ng Fourth Industrial Revolution.

“Life is digital. Kailangan po tayong makipagsabayan. We need to catch up and jump on board because the movement to digital life is fast and real. Kailangan po natin ng legal framework or paradigm na magtatahi o magsisinsin ng lahat ng efforts at initiatives ng pamahalaan para sa digital competitiveness ng manggagawang Pilipino,” sabi ni Villanueva.

Itatatag ng S.B. No. 1834 ang Inter-Agency Council for Development and Competitiveness of Philippine Digital Workforce na mangunguna sa pagsulong at pagpapaunlad ng competitiveness ng digital workforce ng bansa sa pamamagitan ng iba’t ibang inisyatibo, gayundin ang pagsulong ng digital innovation at entrepreneurship. Sa ilalim ng isang unified government framework, ang Inter-Agency Council ay pamumunuan ng National Economic Development Authority, at kabibilangan ng Department of Labor and Employment, Department of Trade and Industry, Department of Information and Communication Technology, Department of Science and Technology, Department of Education, Commission on Higher Education, at Technical Education and Skills Development Authority.

Sa ilalim ng batas na ito, maaaring pumasok ang pamahalaan sa mga public-private partnerships kasama ang mga eksperto mula sa iba’t ibang industry association tulad ng IT-BPO at mga pribadong kumpanya para sa pagpaplano at implementasyon ng programa para sa training, skills development, at certification para sa digital careers.

Mandato din ng panukalang batas na magkaroon ang mga local government units, sa tulong ng kanilang mga Public Employment Service Offices, ng mga lokal na polisiya para sa isulong ang digital technology at digital careers sa kanilang mga pamayanan.

Sinabi ng chair ng Senate committee on labor, employment, and human resources development na ang S.B. No. 1834 ang pinakabagong panukala na naghahasa ng polisiya ng bansa tungkol sa employment at edukasyon para mapalawak ang mga oportunidad na dala ng Fourth Industrial Revolution. Si Villanueva ang pangunahing tagapagsulong ng mga batas na sumusunod sa ganitong polisiya, gaya ng Telecommuting or Work From Home Law, Philippine Qualifications Framework Law, at ang Philippine Labor Force Competencies Competitiveness Program or Tulong Trabaho Law. Ernie Reyes

29

Wed

29

Wed

Villanueva: Digital Workforce Competitiveness Act, aprub na sa Senado

Villanueva: Digital Workforce Competitiveness Act, aprub na sa Senado

MANILA, Philippines- Aprubado na ng Senado sa third and final reading ang Senate Bill No. 1834, o ang Philippine Digital Workforce Competitiveness Act, na naghahanda sa manggagawang Pilipino para sa mga makabagong trabaho sa pamamagitan edukasyon at training ng digital skills.

Sinabi Sen. Joel Villanueva, ang principal author at principal sponsor ng panukalang batas, na sinusuportahan ng S.B. 1834 ang pagiging globally competitive ng manggagawang Pilipino sa digital careers na bunsod ng Fourth Industrial Revolution.

Mandato din ng panukalang batas na magkaroon ang mga local government units, sa tulong ng kanilang mga Public Employment Service Offices, ng mga lokal na polisiya para sa isulong ang digital technology at digital careers sa kanilang mga pamayanan.

Villanueva: Digital Workforce Competitiveness Act, aprub na sa Senado

Villanueva: Digital Workforce Competitiveness Act, aprub na sa Senado

MANILA, Philippines- Aprubado na ng Senado sa third and final reading ang Senate Bill No. 1834, o ang Philippine Digital Workforce Competitiveness Act, na naghahanda sa manggagawang Pilipino para sa mga makabagong trabaho sa pamamagitan edukasyon at training ng digital skills.

Sinabi Sen. Joel Villanueva, ang principal author at principal sponsor ng panukalang batas, na sinusuportahan ng S.B. 1834 ang pagiging globally competitive ng manggagawang Pilipino sa digital careers na bunsod ng Fourth Industrial Revolution.

Mandato din ng panukalang batas na magkaroon ang mga local government units, sa tulong ng kanilang mga Public Employment Service Offices, ng mga lokal na polisiya para sa isulong ang digital technology at digital careers sa kanilang mga pamayanan.

ILOCOS SUR- Nauwi sa pagdadalamhati ang masayang piknik ng isang pamilya matapos malunod ang isa sa mga miyembro nito sa Amburayan River sa Brgy. Bio, Tagudin ng lalawigang ito kahapon.

Kinilala ang biktima na si Trisha Mae Garcia Alano, 13, 2nd year high school, residente ng Brgy. Cabugbugan, Tagudin, Ilocos Sur.

Ayon sa Tagudin Municipal Police Station, ang pamilya ng biktima ay nagpunta sa Amburayan River para magpiknik.

Nang mag-dive ang biktima para maligo, bigla itong hinatak ng malakas na kuryente o pressure ng tubig at dinala ito sa malalim na bahagi ng ilog.

Tinangkang iligtas ng kanyang mga kapamilya ang biktima at agad din silang humingi ng tulong sa MDRRMC Tagudin para hanapin ito pero hindi nila makita ang biktima.

Makalipas ang ilang minuto ay natagpuan nila ang biktima kaya agad nila itong isinugod sa ospital.

Gayunman, ang biktima ay ideneklarang dead-on-arrival ng umatending doktor. Rolando S. Gamoso

MANILA, Philippines – Muling hinihimok ng Department of Health (DOH) ang lahat ng health facilities na isumite ang lahat ng documentary requirements para sa pagbibigay ng healthcare worker benefits na may kaugnayan sa COVID-19.

Kabilang dito ang klasipikasyon ng CREC (COVID-19 Risk Exposure Classification), mga pagpapatunay at Memorandum of Agreement.

Ang Liquidation Reports na sumasaklaw sa anumang nailipat na pondo mula sa DOH ay dapat ding isumite sa kani-kanilang DOH Centers for Health Development (CHDs).

Ang napapanahong pagsusumite ay magpapadali sa agarang pamamahagi ng Special Risk Allowance (SRA); Meals, Accommodation, and Transportation (MAT) allowance; at One COVID-19 Allowance (OCA) na pondo sa ating mga healthcare workers at frontliners na karapat-dapat na mabayaran sa oras.

Hinihimok ng DOH ang lahat na gawin ang kanilang bahagi tungo sa layuning ito.

Gaya ng binanggit sa Commision on Audit (COA) Circular No. 2012-001 na may petsang Hunyo 14, 2012, ito ay isang pangunahing prinsipyo na ang lahat ng mga paghahabol laban sa mga pondo ng pamahalaan ay dapat suportahan ng kumpletong dokumentasyon.

Higit pa rito, ang parehong COA Circular ay nag-aatas na, para sa anumang mga bagong paglilipat ng pondo, ang mga pondong nauna nang inilipat sa ahensyang nagpapatupad – ang mga health facilities sa kaso ng SRA, MAT, at OCA – ay dapat munang ma-liquidate at ma-account.

Mayroon ding 10 local government units na hindi pa nakakaliquidate ng pinagsamang halaga na PhP 101 milyon sa lahat ng tatlong benepisyo, at 3 national government hospitals na hindi pa nakakaliquidate ng PhP 30 milyon ng SRA.

“The DOH is following established government accounting rules and regulations meant to ensure that the public funds for COVID benefits reach each and every healthcare worker they are meant for,” sabi ni Health Undersecretary and Chief of Staff Leopoldo J. Vega.

MANILA, Philippines – Nakapagtala ang Pilipinas ng 576 na bagong impeksyon sa COVID-19 noong Martes habang ang bilang ng mga aktibong kaso ay tumaas sa 7,192, ang pinakamataas mula noong huling bahagi ng Abril.

Sa pinakahuling datos na inilabas ng Department of Health (DOH) nitong Martes, nasa 3,702,319 na ang kabuuang bilang sa buong bansa.

Ang bilang ng mga nakarekober ay nasa 3,634,596, habang ang bilang ng mga nasawi sa bansa ay tumaas ng 13 hanggang 60,531.

Ang mga rehiyon na may pinakamaraming bagong kaso sa nakalipas na dalawang linggo ay ang National Capital Region na may 4,078, sinundan ng Calabarzon na may 1,448, Western Visayas na may 717, Central Luzon na may 552, at Central Visayas na may 400.

Nasa 17.8% ang rate ng bed occupancy ng bansa, habang hindi bababa sa 5,251 na kama ang okupado, at 24,275 ang bakante noong Linggo, Hunyo 26.

Hindi bababa sa 18,595 na indibidwal ang nasubok, na may 328 testing laboratories na nagsumite ng data noong Hunyo 27. RNT

MANILA, Philippines – Idineklara ng Malakanyang na “Philippine Bamboo Month” ang buwan ng Setyembre kada taon base sa Proclamation No. 1401 na tinintahan ni Pangulong Rodrigo Roa Duterte, araw ng Lunes.

Kinikilala ni Pangulong Duterte ang pangangailangan na itanim sa kamalayan ng mga Filipino ang kahalagahan ng bamboo plant at produkto nito.

“I, Rodrigo Roa Duterte, President of the Republic of the Philippines, by virtue of the powers vested in me by the Constitution and existing laws, do hereby declare the month of September of every year as Philippine Bamboo Month,” ang nakasaad sa proklamasyon.

Sa nasabing proklamasyon, binigyang direktiba nito ang Philippine Bamboo Industry Development Council (PBIDC) na pangunahan at i-promote ang pagdiriwang sa Philippine Bamboo Month at i-identify ang mga programa, proyekto at aktibidad para sa taunang selebrasyon nito.

Sa kabilang dako, ipinalabas naman ang Executive Order No. 879 noong 2010 na lumikha sa PBIDC na naglalayong i- promote ang product development ng bamboo o kawayan at paghusayin pa ang market access sa bamboo products, sa layuning mapanatili at mapalakas nito ang bamboo industry.

Ang Bamboo o kawayan ay itinuturing ng Department of Trade and Industry (DTI) bilang isa sa “right priority industry clusters.”

Ang mga bahagi ng bamboo plant ay ginagamit hindi lamang para sa “nourishment and construction” ng simpleng imprastraktura kundi maging sa pagpo-produce ng world-class furniture at handicrafts. Kris Jose

MANILA, Philippines – Nagpositibo sa COVID-19 si Parañaque City Mayor Edwin L. Olivarez matapos na sumailalim sa pagsusuri at ngayon ay naka-isolate na.

Si Olivarez ay naiulat na asymptomatic na fully vaccinated at tumanggap na rin ng booster shots.

Ayon kay Soriano, maglalabas sila ng regular bulletin para sa update ng kondisyon ni Olivarez.

Sinabi ni Soriano na kasalukuyang nagsasagawa ng contact tracing ang City Epidemiology and Surveillance Unit (CESU) pati na rin ang pagmo-monitor ng mga naging close contacts ni Olivarez.

Pinayuhan din ni Soriano ang lahat na gawin ang nararapat na hakbang sa pag-iingat at sundin ang minimum health protocols lalo na ang mga hindi pa bakunado gayundin ang mga napapabilang sa mga high-risk groups. James I. Catapusan

Sa kabilang dako, ipinalabas naman ang Executive Order No. 879 noong 2010 na lumikha sa PBIDC na naglalayong
i- promote ang product development ng bamboo o kawayan at paghusayin pa ang market access sa bamboo products, sa layuning mapanatili at mapalakas nito ang bamboo industry.