 |
VIRGO (Agosto 23 – Setyembre 23) — Kung may ginagawa kang pagkukulang o kasalanan sa iyong minamahal, agad na bumalikwas bago pa mahuli ang lahat. Sapagkat, ang bago at mabangong tela at napapabaho ng patay na daga. Maging tapat sa kanya upang suwertihin ka sa iyong pinagkakakitaan.
|
|
LIBRA (Setyembre 24 – Oktubre 23) — May bagong plano sa iyo ang nasa Itaas. Kaya relaks ka lang kung medyo wasted ka at akala mo’y malas ang ka sa pinansyal at lovelife. ‘Yan ay kusang papasok sa buhay mo nang hindi inaasahan. Ituloy mo ang pagiging content creator at babaha ang iyong followers at views.
|
|
SCORPIO (Oktubre 24 – Nobyembre 22) — Ang pagmamahal ay ipinadadama sa minamahal, sa lihim man o hayag, nang walang hinihinging kapalit. Kasi, kung ganun, baka ikaw rin ang masaktan. Hayaan mo lang siyang mahulog sa iyo dahil mas makabubuti ito. Ipakita mo rin ang totoong ikaw at ang mga pangit mong gawi ay baguhin na.
|
|
SAGITTARIUS (Nobyembre 23 – Disyembre 21) — Ang inaakala mong bagay o rason kung bakit hindi ka makatulog ay hindi talaga insomnia gaya ng inaakala ko. Iniisip ka rin ng crush mo (uy). Hayaan mo lang siyang sumiksik ng kusa sa iyong isipan at aantukin ka rin. Gawin mo siyang inspirasyon sa iyong work. Sa gayun ay ma-promote ka at lumaki ang sahod. Para ‘di ka na mahiyang yayain siyang mag-date kayo.
|
|
CAPRICORN (Disyembre 22 – Enero 19) — Ang pagiging masipag at pagiging dedikado sa gawaing pansibiko’t relihiyon ay mabibiyayaan. Ikaw ay nakatakdang magiging mabisang lider at tagapagsalita’t tagapayo. Ang mga bagay na nawala sa iyo ay kusang babalik at ang mga taong lumayo sa iyo ay muling lalapit.
|
|
AQUARIUS (Enero 20 – Pebrero 18) — Parang adobo kung umasta ngayon ang loves mo. Hindi kumpleto kapag walang toyo. Pero, intindihin mo na lang total may libre kang kiss pag-uwi. Huwag mag-alala, wala na ‘yang toyo niya bukas. Pero, maghanda ka at baka sumpungin siya ng pagiging ‘mantika’. Magpapasundo tapos magyayayang titingin, tapos mapapabili ka ng gusto niya.
|
|
PISCES (Pebrero 19 – Marso 20) — Hindi mo na maibabalik ang oras o panahon. Kaya, tutok ka sa kinabukasan. Kung siya man (young ex mo) ang naging dahilan ng iyong pagdurusa, huwag nang maghinanakit. Dahil darating pa ang sandaling magkukrus ang inyong landas. Hihingi siya ng tawad at hihilinging maging kayo uli. Kaya huwag mong dayain ang iyong sarili. Kung mahal mo pa siya, bigyan siya ng isa pang chance.
|
|
ARIES (Marso 21 – Abril 19) — Kung paiiralin mo ang pagiging mabusisi sa paghahanap ng kapareha, baka tumanda kang dalaga. Walang perfect na lover o mangingibig at iibigin. Dapat tanggapin mo kung ano ang pagkatao ng iyong mamahalin. Basta mabuting tao at kaya kang buhayin, ayos na ‘yun.
|
|
TAURUS (Abril 20 – Mayo 20) — Hindi ka magiging masaya kung hindi ka makokuntento sa anong bagay mayroon ka; na iyan naman’y pinaghirapan mo. Kung may nais ka pang marating at makuhang bagay, daanin mo ito sa tama at huwag sa mabilisan at likong paraan. Magpasalamat ka sa Diyos kung anong meron ka at may idaragdag pa Siya sa iyo.
|
|
GEMINI (Mayo 21 – Hunyo 21) — Ke totoo o hindi ang sabi-sabi tungkol sa iyo, ito ay tsismis at hindi tamang pakinggan. Gayunman, may mabuti itong idudulot sa iyo. Una, magiging sikat ka at malalaman mo kung sino ang mga taong nagtatanggol sa iyo, kakilala mo man o hindi. Magkakaroon ka ng maraming kaibigan dahil hindi ka pumapatol sa mga taong tila walang pinag-aralan.
|
 |
CANCER (Hunyo 22 – Hulyo 22) — Walang imposible kung gugustuhin o pagpupunyagian mong gawin ang isang bagay na posibleng makuha o marating. Sa iyong sikap at tiyaga ay iyo itong makukuha. Ang perang inaasahan ay darating. Dangan nga lamang ay maghinay-hinay sa paggasta upang ‘di ka kapusin sa badyet.
|
|
LEO (Hulyo 23 – Agosto 22) — May ilang magandang bagay ang mangyayari sa linggong ito. Kung lalahok ka sa isang paligsahan ibigay mo ang iyong buong makakaya. Maging handa ka rin sa resulta. Kung talo, talo. Kung panalo, mas mainam. Mas magtatagumpay ka sa iyong career kung didikit ka sa matataas na tao sa industriyang pinasukan mo.
|
