MANILA, Philippines- Hindi pa natatalakay ni DOH OIC Maria Rosario Vergeire kay Pangulong Ferdinand Marcos Jr. ang usapin patungkol sa kagustuhan nitong maitalaga bilang bagong kalihim ng Kagawaran.

Ito ay matapos magkita sina Vergeire at Marcos sa pagdiriwang ng ika-40tfounding anniversary ng National Kidney and Transplant Institute’s (NKTI) noong Lunes.

Pero naniniwala si Vergeire na hindi ito ang tamang pagkakataon para talakayin ang usapin.

“Wala ho kaming paguusap pa ukol dito. Parehong busy ang schedules yesterday,” sabi ni Vergeire sa press briefing nang tanungin kung napag-usapan na kung sino ang susunod na kalihim ng DOH.

Aniya, hintayin na lamang ang desisyon ng Pangulo.

Kung opisyal namang ibibigay ng Pangulo ang posisyon, sinabi ni Vergeire na pagtutuunan nito ang pagbibigay ng health access at equity sa publiko. Jocelyn Tabangcura-Domenden

MANILA, Philippines- Aprubado na sa ikatlo at huling pagbasa sa House of Representatives ang House Bill 1270 na nagsusulong na mabigyan ng proteksyon ang mga independent contractors sa film, television at radio entertainment industry.

Nakapaloob sa panukala na dapat mayroong employment contract sa pagitan ng employer at independent contractor bago kunin at simulan ang trabaho nito, bukod dito ay itinatakda din ang mga kondisyon para sa compensable hours of work at tiyakin na makakatatanggap ng minimum wage, social security and welfare benefits gaya ng Social Security System, Home Development Mutual Fund o Pag-IBIG Fund at Philippine Health Insurance Corporation.

Bilang proteksyon sa mga mangagawa sa entertainment industry ay dapat nakasusunud ang kumpaya sa occupational safety and health standards, mayroong promosyon ng mental health at prevention ng sexual harassment.

Bibigyang daan din sa panukala ang pagbuo ng Film, Television, and Radio Entertainment Industry Tripartite Council na syang magbabalangkas ng mga policy decisions na nakakaapekto s sa entertainment industry.

Sakop ng nasabing panukala ang actors, singers, musicians, dancer at iba pa na nasa likod ng industriya.

Ikinatuwa ni House Speaker Martin Romualdez ang mabilis na paglusot ng panukala sa Kamaraa, aniya, isa itong daan para matiyak na walang mangagawa sa industriya ang masasangkot sa pang abauso, harassment, dangerous working environment at exploitation. Gail Mendoza

MANILA, Philippines- Malaki ang paniniwala ni Senador Risa Hontiveros na may dalawang bagay na nangyari kung bakit nagkaroon ng malawakang brownout sa Ninoy Aquino International Airport (NAIA) lubhang naapektuhan ang mahigit 65,000 pasahero.

Sa pahayag, sinabi ni Hontiveros na dalawang posibleng sanhi ng technical glitch sa NAIA ang kapabayaan at intensiyong kriminal ang siyang malinaw na kadahilanan ng naturang insidente.

“May negligence nga ba, meron bang even criminal intent nga ba that would have to come into play sa nangyaring malaki at seryosong insidenteng ito affecting about 65,000 passengers on that day,” ayon kay Hontiveros.

Naniniwala si Hontiveros na kahit hindi siya eksperto sa aviation, mayroon mas malaki at seryosong bagay ang nangyari kaysa technical glitch lamang.

Binuo ng pamahalaan ang isang inter-agency team sa pangunguna ng Department of Transportation (DOTR), at Department of Information and Communications Technology (DICT), kabilang ang ilang may kaugnay na ahensiya upang imbestigahan ang pagkasira air traffic management system na nangyari sa pangunahing paliparan ng bansa.

Inaasahang magsusumite ito ng resulta ng imbestigasyon sa February 15 sa Senado, mahigit isang buwan matapos ang insidente.

Nitong Pebrero 6, pinuntahan ng ilang opisyal ng pamahalaan at senador kabilang si Hontiveros ang Air Traffic Management Center ng Civil Aviation Authority of the Philippines sa Pasay City.

“While we were able to see the hardware, the Jan. 1 incident couldn’t be restaged during our visit. The senators were also unable to check the history of maintenance or lack thereof, which may have been a factor in the NAIA fiasco, giit ni Hontiveros.

Umaasa si Hontiveros na lilitaw ang “pinakamahalagang nawawalang piyesa ng masalimuot na insidenteng ito kapag nakumpleto ang imbestigasyon ng intera-agency ng DOTR at DICT.”

“Once completed, this will help the Committee on Public Services led by Sen. Grace Poe in its own probe and the crafting of a report regarding the issue,” giit ni Hontiveros.

Sinabi ni Hontiveros na sakaling mapatunayan na mayroon kapabayaan at criminal intent sa insidente, malaking tanong kung magbibigay ng kumpensasyon ang pamahalaan sa libu-libong pasaherong apektado nito.

Dahil dito, muling isinulong ni Senador Grace Poe ang pagsasabatas ng Philippine Transport Safety Board Act sa ilalim ng Senate Bill No. 1121 upang mag-imbestiga sa lahat ng aksidenteng may kinalaman sa transportasyon, kung ano ang dahilan at kung paano maiiwasan ito. Ernie Reyes

MANILA, Philippines- Sa pagtama ng magnitude 7.8 na lindol sa Turkey at Syria, sinabi ng pinuno ng Philippine Institute of Volcanology and Seismology (Phivolcs) nitong Martes na posible ring yanigin ng parehong magnitude ang Pilipinas.

“There’s always this possibility. In fact, it already happened on July 16, 1990. To recall, the 1990 Luzon earthquake is magnitude 7.8,” pahayag ni Phivolcs Director Teresito Bacolcol sa public briefing.

Idinagdag ni Bacolcol na maraming active faults ang bansa na kayang mag-generate ng magnitude 7.8 earthquake.

Batay sa instrumental records, ang 1990 Luzon earthquake ang pinakamalakas na tumama sa bansa.

Ayon sa website ng ahensya, nakalikha ang 1990 Luzon earthquake ng 125 km-long ground rupture mula Dingalan, Aurora hanggang Kayapa, Nueva Vizcaya. Ang lindol ay dulot ng strike-slip movements sa kahabaan ng northwest segment ng Philippine Fault Zone  at splay nito na Digdig Fault.

“We have several active segments in the Philippines. It’s more than a hundred segments, but the longest is the Philippine Fault — 1,200 kilometers from Davao to Luzon,” sabi ni Bacolcol.

Idinagdag ng Phivolcs chief na nito lamang nakaraang linggo ay gumalaw ang Philippine Fault, na nagresulta sa magnitude 6 na lindol sa Davao de Oro.

“People now are more aware than they were 20 years ago, and especially with the advent of social media. They see the effects of strong earthquakes like what happened in Turkiye,” sabi niya. RNT/SA

MANILA, Philippines- Nanawagan si Pangulong Ferdinand “Bongbong” Marcos Jr. nitong Martes sa mga Pilipino na magbayad ng buwis sa tamang oras upang makatulong sa muling pagbangon ng ekonomiya ng bansa.

“I encourage the public to pay the correct amount of taxes on time to support the country’s economic recovery and expansion so critical in this time,” pahayag ni Marcos sa paglulunsad ng 2023 National Tax Campaign Kickoff ng Bureau of Internal Revenue.

“It is my confidence that you will continue to cooperate, collaborate, and coordinate with the government on how to improve the experience of our tax collection system,” dagdag niya.

Iginiit ni Marcos na ang BIR ay “firm and resolute in modernizing the services and elevating our people’s experiences by utilizing reliable, scalable, robust, sustainable technologies and infrastructure for our country’s tax collection.”

“As we move forward to the future, the importance of utilizing modern and updated technology to ensure a more tax [efficient] collection becomes absolutely imperative,” sabi ng Pangulo.

“It is my hope that the Bureau will continue its commitment to pursuing and upgrading its digitalization programs,” dagdag niya. RNT/SA