Walang ‘favoritism’ sa COVID vax distribution – Galvez

Walang ‘favoritism’ sa COVID vax distribution – Galvez

July 8, 2021 @ 11:19 AM 1 year ago


Manila, Philippines – Itinanggi ni Philippine vaccine czar Secretary Carlito Galvez Jr. ang alegasyong “favoritism” sa pamamahagi ng COVID-19 vaccines sa buong bansa.

Ito ang reaksyon ni Galvez sa pahayag ni dating Health secretary at ngayon ay Iloilo Representative Janette Garin na may nagaganap na palakasan sa pamamahagi ng bakuna.

“Dini-distribute natin ang ating mga vaccine sa mga [Centers for Health Development] ang ating tinatawag na sa mga regional CHD ng DOH at the same time sa mga [local government units] at mayors ng highly urbanized [areas].”

 “Ang gusto kasi ni former Sec. Garin sa kanya ibigay namin ‘yung doses which is hindi naman tama. Kasi humihingi siya ng allocation. Maguguluhan po ang ibang mga LGUs kasi ‘di siya nasa lineage ng distribution. ‘Yung accounting mahihirapan po tayo at ang administration,” dagdag pa nito.

“‘Yung nakikita po kasi namin na gingamit ang vaccine sa politika. ‘Yun ang dini-discourage namin na please do not use the vaccine as a political weapon ang nakikita namin sa poster sila mismo kumukuha sa mga airports. It seems na parang sa kanila galing ang vaccines.” RNT/FGDC