Walang plano ang DPWH sa NCR

Walang plano ang DPWH sa NCR

July 29, 2018 @ 5:01 PM 5 years ago


 

Manila, Philippines – Maraming lugar sa National Capital Region ang naka­ra­ranas ng matinding pagbaha tuwing umuulan, lalo na kung bu­mabagyo.

Ang pinakamasang epekto nito ay madalas suspendido ang mga klase sapagkat ma­dalaw na ring umuulan at bu­mabagyo sa bansa.

Hindi na maipagkakaila ninuman ang napakalalang suliranin natin sa pagbaha, kaso wala akong nababalitaang kong­retong hakbang na ginagawa ang Department of Public Works and Highways na pinamumunuan ni Secretary Mark Villar.

Hindi ba malaking problema ang baha para hindi solusyonan ito?

Hindi dapat umasa si Villar sa Metropolitan Manila Deve­lopment Authority sapagkat napakaraming problema ang ahensyang ito.

Pangongotong nga ng ilan sa mga traffic enforcer nito ay hindi na matapos-tapos, baha pa kaya.

Kung hindi bulag o manhid si Villar, dapat mayroon na si­yang ginagawang hakbang para masimulan ang paglala­tag ng solusyon sa matindi at malalang pagbaha sa NCR at maging sa iba pang lalawigan sa bansa.

Hindi tamang walang plano si Villar.

Huwag na munang unahin ang kanyang plano sa elek­syong 2022 dahil napakalayo pa nito.

BANGSAMORO

VILLAGE SA QC

Gusto rin ni Vice Ma­yor Joy Belmonte na mag­karoon ng batas sa Quezon City para sa pagkakaroon ng “Bangsamoro Cul­tural Village” bunga ng pagkakaroon ng paniba­gong batas para sa Bangsamoro sa ilang lalawigan sa Mindanao.

“I was thinking along the lines of transforming the Salaam Compound into a tourist destination.

“Now, it’s still not as pretty, but you know it’s just a matter of fixing the electrical lines, making some sidewalks and then asking residents to spruce up their façade,” saad ni Belmonte.

Ang gustong mangyari ng magiging alkalde ng lungsod ay “reflective of the culture of the Muslim people, but right in the heart of Quezon City.

“They cook traditional halal Muslim food.

“So now, what you just have to do is make sure that their food is safe, may sanitation permits, and then you can actually bring tourists there to eat,” patu­loy ni Belmonte.

Ipagpatuloy mo ‘yan VM Joy Belmonte para maka­tulong ang Pamahalaang Lungsod ng Quezon sa pag­papalaganap at patuloy na pagpapakilala ng kultura ng Bangsamoro sa mga kababayan.

-BADILLA NGAYON NI NELSON BADILLA