WHO sa China: Lahat ng COVID-related data, ilabas niyo na!
March 19, 2023 @ 3:10 PM
2 weeks ago
Views: 186
Remate Online2023-03-19T12:15:15+08:00
SWITZERLAND – Hinimok ng mga advisors ng World Health Organization nitong Sabado, Marso 18, ang China na ilabas na ang lahat ng mga impormasyon na may kaugnayan sa pinagmulan ng COVID-19.
Ito ay makaraang mailathala sa isang international database ang mga bagong findings kaugnay dito.
Inupload kasi sa database ng GISAID ang mga impormasyon kaugnay ng SARS-CoV-2 virus maging ang mga karagdagang genomic data batay sa mga sample na kinuha sa live animal market sa Wuhan, China noong 2020 kung kaya’t mas makikita na ng mga researchers sa ibang bansa ang mga datos na ito, saad sa pahayag ng Scientific Advisory Group for the Origins of Novel Pathogens (SAGO) ng WHO.
Sa mga bagong sequence, lumalabas na mayroong raccoon dogs sa naturang pamilihan na posibleng nahawaan din ng coronavirus na nagsisilbing ‘clue’ sa hawaan hanggang sa maipasa sa tao.
Ang access sa naturang impormasyon ay restricted “apparently to allow further data updates” ng Chinese Center for Disease Control and Prevention (CDC).
Ipinaliwanag naman ng mga opisyal ng WHO sa mga kasamahang Chinese ang naturang usapin at sinabing ang mga bagong datos ay layong gamitin sa pag-update ng kanilang preprint study mula 2022.
“These data do not provide a definitive answer to the question of how the pandemic began, but every piece of data is important in moving us closer to that answer,” sinabi ni WHO Director-General Tedros Adhanom Ghebreyesus.
“These data could have – and should have – been shared three years ago.”
“We continue to call on China to be transparent in sharing data, and to conduct the necessary investigations and share the results,” pagpapatuloy niya.
Inatasan na ng WHO ang SAGO na ipagpatuloy ang pag-imbestiga sa pinagmulan ng pandemya na kumitil sa buhay ng pitong milyong katao sa buong mundo.
“(This is) newly analysed data and nothing new,” sinabi ni George Gao, professor sa Institute of Microbiology ng CDC.
“All this must be left for scientists to work on?NOT for journalists or public. We are eager to know the answer,” dagdag pa niya.
Matatandaan na ipinasara ang Huanan Seafood Wholesale Market sa Wuhan ng mga awtoridad sa China makaraang dito pinaniniwalaang nagsimula ang hawaan ng novel coronavirus sa pagtatapos ng 2019, at naging sentro rin ng mga pag-aaral ng mga eksperto.
Sa kabila nito, nilinaw ng WHO at iba pang mga eksperto na hindi pa rin nila inaalis ang posibilidad na nagsimula rin ang virus sa isang high-security laboratory sa Wuhan na nagsusuri ng mga peligrosong pathogens.
Itinanggi naman ng China ang pagkakaroon nito ng ganitong klase ng laboratory. RNT/JGC
March 30, 2023 @4:12 PM
Views: 3
MANILA, Philippines- Isinasailim na sa mga pagbabago ang immigration procedures bunsod ng sunod sunod na reklamo ng mga pasahero laban sa mga umano’y abusadong tauhan ng Bureau of Immigration (BI) sa NAIA.
Tiniyak ng Department of Justice (DOJ) na hindi nito palalampasin kung mapatutunayan na nagpakita ng hindi tamang asal ang mga Immigration officer sa pagganap sa kanilang tungkulin sa pag-screen sa mga papaalis na pasahero.
Gayunman, binigyan-diin ng DOJ ang kahalagahan ng laban kontra human trafficking.
Ayon sa DOJ, kasalukuyang nirerebisa ng Inter-Agency Council Against Trafficking (IACAT) ang Departure Formalities upang mapaayos ang usad sa mga immigration counters at maiwasan na ang abala sa mga biyahero dahil sa ipinaiiral na Departure Formalities.
Naniniwala ang kagawaran na nagiging malikhain na ang mga human trafficker sa kanilang modus upang maipuslit palabas ng bansa ang mga nagiging biktima kung kaya mahirap matukoy ang regular na pasahero sa biktima ng human trafficking.
Dahil sa mahigpit na pagpapatupad ng departure formalities, nasa 6,788 na biyahero mula sa kabuuang 1,056,247 ang naapektuhan mula Enero hanggang Pebrero 2023.
Magugunitang inireklamo ng ilang biyahero ang sobrang tagal ng pagtatanong ng mga Immigration officers kung kaya naiiwan sila ng sasakyang eroplano. Teresa Tavares
March 30, 2023 @4:00 PM
Views: 12
MANILA, Philippines- Isang 65-anyos na dating politiko ang kaagad na binawian ng buhay makaraang pagbabarilin ng hinihinalang tandem, sa Barangay San Nicolas, Gapan City, Nueva Ecija nitong Miyerkules, March 29.
Sa ulat na nakarating kay Nueva Ecija director, P/Col. Richard Caballero, kinilala ang biktima na si Zaldy Matias y Gonzaga, may asawa, residente ng #149 Libis Drive, Brgy. San Nicolas, nasabing lungsod.
Sa inisyal na imbestigayon, lumabas na dakong alas-7:30 kagabi nang mangyari ang pamamaril.
Diumano ay kasalukuyang nakaupo ang biktima sa harapan ng kanyang bahay nang bigla umanong pagbabarilin ng mga hindi kilalang suspek.
Ganap naman na alas-8:20 ng gabi nang makarating sa tanggapan ng Gapan City police ang impormasyon hinggil nangyaring krimen.
Kaagad rin na kumilos ang kapulisan upang i-verify ang nabatid na insidente ng pamamaril sa nabanggit na barangay.
Naisugod pa ang biktima sa ospital subalit kaagad ring binawian ng buhay.
Si Matias ay dating board member sa ika-apat na distrito, taong 2007-2010; at dati ring naging miyembro ng Sanguniang Bayan, taong 1998-2007.
Sa isinagawang imbestigasyon ng Scene of the Crime Operatives (SOCO), matapos umano ang pamamaril ay mabilis naman na nagsitakas ang mga suspek.
Patuloy naman na nagsasagawa ng mga interview mula sa mga umano’y nakasaksi sa pangyayari at pangangalap umano ng mga CCTV footages para sa posibleng pagkakakilanlan ng mga nakatakas na suspek. Elsa Navallo
March 30, 2023 @3:52 PM
Views: 13
MANILA, Philippines- Naghayag ng pagsuporta ang gobyerno ng Pilipinas para sa pag-endorso ng Estados Unidos ng Summit for Democracy Declaration.
Iyon nga lamang, kaagad na inihiwalay ng Pilipinas ang sarili nito mula sa anumang reference sa International Criminal Court (ICC).
Sa isang kalatas na may petsang Marso 29, ang Pilipinas, sa pamamagitan ng Department of Foreign Affairs, nakiisa sa Estados Unidos at iba pang bansa sa pagsuporta sa nasabing deklarasyon, sabay sabing ito’y isang “testament to our unwavering commitment to upholding our democratic values and principles and to strengthening our democratic institutions for the benefit of the Filipino people.”
Subalit, inihiwalay na kaagad ng Pilipinas ang sarili nito mula sa “Declaration’s reference to the International Criminal Court (ICC).”
“While the current language provides a qualifier that the ICC’s role may be acknowledged provided it abides by the principle of complementarity, the Philippines’ earlier decision to withdraw from the ICC was precisely because the Court failed the test of complementarity,” ayon sa Pilipinas.
Ayon naman sa report ng Reuter, inanunsyo ni US President Joe Biden ang bagong funding para palakasin ang demokrasya sa buong mundo at maging ang tulungan na labanan ang korapsyon, suportahan ang malaya at patas na eleksyon at isulong ang teknolohiya na sumusuporta sa democratic governments.
Ito’y unang inendorso ng 73 bansa.
Sinabi ng report na “Twelve of those dissociated themselves from parts of the text, including India, Israel and the Philippines, which all opted out of a part backing accountability for human rights abusers and acknowledging the importance of the International Criminal Court.”
Pinanindigan naman ng Pilipinas na hindi nito kinikilala ang kapangyarihan ng ICC.
Binigyang diin nito at iginiit ang hurisdiksyon ng pamahalaan na mag-imbestiga at mag-prosecute ng mga krimen kabilang na ang di umano’y committed sa gitna ng bloody campaign laban sa illegal drugs.
Matatandaang, kumalas ang Pilipinas mula sa Rome Statute, nagtatag ng ICC, noong Marso 2019, sa ilalim ng liderato ni dating Pangulong Rodrigo Roa Duterte, naglunsad ng giyera laban sa ilegal na droga.
“The (Philippines) maintains that the rule of law and accountability are fully functioning through its criminal justice system and efforts to improve mechanisms, such as the AO35 Mechanism,” ayon sa DFA.
“The (Philippines) upholds its commitment to fight impunity for atrocity crimes, notwithstanding the country’s withdrawal from the Rome Statute, especially since the Philippines has a national legislation punishing atrocity crimes,” dagdag na wika nito.
Samantala ang DOJ, sa ilalim ng liderato ni dating Secretary Menardo Guevarra, ngayon ay Solicitor General, ay nagpahayag na ang AO35 ay nakatuon sa “resolving cases of political violence such as extrajudicial killings, enforced disappearances, and torture, among other similar grave human rights violations.” Kris Jose
March 30, 2023 @3:39 PM
Views: 12
MANILA, Philippines- Napanatili ng Global Alliance of National Human Rights Institutions (GANHRI) ang Status “A” accreditation ng Commission on Human Rights (CHR) ng Pilipinas bilang “credible and authoritative voice” sa international human rights bodies.
Inihayag ng CHR na katunayan ang akreditasyon nitong Status “A” na tumatalima ito sa Paris Principles – mga panuntunan na dapat sundin ng National Human Rights Institutions (NHRIs) upang kilalaning “credible”, partikular sa pagiging malaya sa batas, pakikibahagi, operasyon, polisiya at control of resources.
Ang mga NHRI na may Status “A” accreditations ay ginagawaran ng significant participation rights at independent access sa United Nations (UN) human rights mechanisms, gaya ng UN Human Rights Council, subsidiary bodies nito, maging sa ilang General Assembly bodies at mechanisms. Binibigyan din sila ng full membership sa GANHRI, kabilang ang abilidad na makaboto at mailuklok sa governance positions.
Tiniyak naman ng CHR sa pamahalaan at sa publiko na ipagpapatuloy nito ang “objective” na pagsasakatuparan ng mandato nito bilang watchdog laban sa human rights violations.
“At the same time, we continue to commit to pursue steps that will further strengthen our role as an independent NHRI, including advocating for the passage of the CHR Charter,” anang CHR.
“We continue to commit to be government’s partner in improving the way they fulfill their obligation as the main duty bearer for the human rights of all, while keeping our independence in calling out violations of human rights,” dagdag nito. RNT/SA
March 30, 2023 @3:26 PM
Views: 36
MANILA, Philippines- Sa pagpapatuloy ng search rescue and retrieval operation ng Philippine Coast Guard at iba pang ahensya, umakyat na sa 19 indibidwal ang namatay sa sunog sa M/V lady Mary Joy 3 sa Basilan.
Ito ay base sa pahayag ng Basilan Provincial Disaster Risk Reduction Management Office (PDRRMO).
Sa naunang ulat mula sa Philippine Ports Authority at Philippine Coast Guard (PCG), nasa 10 pasahero ang namatay simula kagabi ngunit may narekober pang karagdagang 9 na indibidwal ngayong umaga.
Ayon kay PDRRMO Chief Nixon Alonzo, 189 indibidwal ang nailigtas habang pito ang patuloy na pinaghahanap.
Nanatili naman sa Zamboanga Port ang ilan sa mga survivor habang 54 ang nasa Camp Navarro General Hospital sa Westmincom.
Anim na nakaligatas naman ang dinala sa Zamboanga City Medical Center habang 67 ang nasa bayan ng Basilan.
Ayon kay PCG District BARMM Commander Comodore Rejard Marpe, ang 10 bangkay ay nakita kaninang ala-1 ng hapon kung saan tatlo rito ay mga bata.
Hindi pa batid ang sanhi ng sunog sa barko dahil nagpapatuloy pa ang search rescue at retrieval operation ng mga awtoridad sa Baluk-Baluk Island kung saan naganap ang trahedya.
Ang barko ay galing sa Zamboanga port at patungong Jolo, Sulu. Jocelyn Tabangcura-Domenden
