Manila, Philippines – Sa kanyang vlog, ipinakita ni Miguel Tanfelix ang kanyang concern sa kanyang mga fans.

Maaga pa lang ay naghanda na ang Kapuso actor sa treat niya sa kanyang kafaneyan.

Pumunta siya sa Tagaytay Public Market para personal na mamili ng kanyang mga kakailanganin sa papiging niya sa kanyang mga masusugid na tagahanga.

Nakipagtawaran siya sa pagbili ng karneng baboy, manok, isda, gulay at mga sangkap na gagamitin niya sa pagluluto.

Habang namimili, nakipag-bonding din siya sa mga fan na naki-selfie sa kanya.

Maging sa paghahanda tulad ng pagtitimpla ng kanyang mga napamiling pagkain ay siya rin ang personal na nag-asikaso.

Matiyaga rin siyang nag-ihaw ng liempo at manok at nagprito ng isda at karneng baboy para sa kanyang pa-boodle fight sa kanyang fans.

Maging sa pagdedekorasyon ng pagkain sa hapag ay siya rin ang naging punong abala.

Tuwang-tuwa naman ang kanyang kafaneyan dahil sila ang piniling pagsilbihan o i-date ni Miguel at hindi ang sinumang leading lady na nali-link dito.

Ang nakaka-touch, binigyan pa ng Kapuso actor ng tig-isang pulang rosas ang kanyang loyal fans na ikinakilig ng mga ito.

Si Miguel ay mapanood sa Voltes V: The Legacy sa GMA-7 kung saan ginagampanan niya ang papel ni Steve Armstrong. Archie Liao

Manila, Philippines – Mula nang maging available ang mga tickets nitong March 17, wala pang isang linggo’y sold out na ang 20th anniversary concert ni Sarah Geronimo.

Magaganap ito sa May 12 sa Smart Araneta Coliseum.

Nitong March 1 ay ipinagdiwang ng Popstar Royalty ang kanyang ika-20 taon sa showbiz bilang singer at aktres.

Matatandaang 2003 nang manalo si Sarah sa singing search na Star For A Night at mula noon ay bumulusok na ang kanyang singing career.

Kasabay ng kanyang 20th year in showbiz ay ang pag-release niya ng awiting Habang Buhay.

Sila ni Paolo Valenciano ang magkatuwang sa pagdidirek ng kanyang anniversary concert.

This year ay inaasahang maipo-promote niya ang kanyang album.

Samantala, inaasahang babaha ng emosyon sa mismong gabi ng pagtatanghal ni Sarah.

Mas masarap daw kasing namnamin ang kanyang tagumpay kung magkasundo na sila ng kanyang Mommy Divine.

Inaasahang present sa audience ang kanyang mga magulang para suportahan ang kanilang anak.

Sa side naman ng asawa ni Sarah na si Matteo Guidicelli, too bad namang sa April 29 ay last episode na ng kinabibilangan niyang programang Tropang LOL sa TV5.

Looking forward naman ang mga tagahanga ni Matteo na mapapanood ang aktor sa mga programa ng GMA dahil balitang nakipagnegosasyon na ito for a possible transfer.

Ang Viva Entertainment ang namamahala sa carer ng mag-asawang Sarah at Matteo.

Almost finished na rin ang all-in-one studio nilang G na ipinatayo ni Matteo para sa kanyang misis. Ronnie Carrasco III

Manila, Philippines – Buhat nang naging busy si Ashley Ortega sa training ng figure skating at sa taping ng Hearts On Ice with leading man Xian Lim ay tuluyan na niyang kinalimutan ang ex-boyfriend na nagpaluha sa dalaga.

Inamin ni Ashley sa isang interview na fully recovered na siya sa split-up nila kahit ilang buwan pa lang ang nakararaan.

Ani Ashley: “Tuluy-tuloy lang ang buhay natin. Malaking tulong sa akin sa madaling paglimot sa ex-bf ko ang work ko bilang actress, pamilya ko at mga friends ko na nakakaunawa sa akin.”

Sa panayam kay Ashley, nasabi niya na ang una niyang showbiz na boyfriend ay ang may asawa na ngayong si Juancho Triviño, na naging leading man niya sa isang Sunday afternoon soap ng GMA noong teenager pa siya. Short-lived relationship lang ‘yun na iniyakan din ni Ashley dahil minahal niya si Juancho.

Sumunod na bf ni Ashley ay ang ang non-showbiz na si Prince Singson, na isa sa mga apo ni dating Gov. Chavit Singson ng Ilocos Sur. Si Prince ang last dance ni Ashley nang nag-18th birthday (debut) ang Kapuso actress.

Short-lived din ang relationship nina Ashley at Prince!

Sa California, USA nag-aaral ng college ang binata. Si Ashley nama’y busy sa showbiz career niya bilang contract star ng Sparkle Artist Center. As usual, iniyakan din ito ni Ashley. Totoo kasi siya kung magmahal.

After four years ay muling nagkarelasyon si Ashley sa binatang taga-Lucena City, si Mayor Mark Alcala. Tumagal din ng more than a year ang relasyon ng dalawa.

Bale siya ang huling karelasyon ni Ashley bago naging busy sa training at taping.

Ani Ashley: “Mutual decision naming dalawa na mag-split. Busy ako bilang actress, siya nama’y public servant. Malayo ang Manila at Lucena City. Di rin ako pwede sa mga out of town trip o kaya’y trip sa abroad na pwede sanang kasama ko siya. Tutok ako sa career ko.

“Mahalaga sa akin ang career. Tulad ngayon, first solo lead ko ang Hearts On Ice,” sabi pa ni Ashley. Norl Asinas

Manila, Philippines – Sa wakas ay tinukoy na kung anong programa ang mamamaalam sa ere.

At kumpirmado na ngang ang Tropang LOL ‘yon sa TV5.

Ito’y sa kabila ng pagmamalaki ng pamunuan ng show na sumipa na ng 2 milion ang kanilang mga tagasubaybay.

Ang Tropang LOL ay prodyus ng Brightlight Productions ni Bacolod City Mayor Albee Benitez.

Ito rin ang prodyuser ng programa ni Korina Sanchez.

Samantala, ang Tropang LOL ay binubuo nina Billy Crawford, Matteo Guidicelli, Bayani Agbayani, Alex Gonzaga, Wacky Kiray, Jeffrey Tam at iba pa.

Nakatakda itong magbabu sa episode nito sa April 29.

Sa ngayon ay nagkakasya ito sa mga taped episodes until it bows out of the air.

Balitang ang ipapalit sa Tropang LOL ay ang pagbabalik ng Face to Face na hosted dati ni Amy Perez.

Bale ang magtitimon ng F2F ay sina Karla Estrada at Alex Calleja.

Noon pa ma’y balitang nanganganib na ang Tropang LOL lalo’t noong nagsilbing pre-programming ito ng It’s Showtime.

Ito ang programang ipinagpalit ni Billy sa It’s Showtime.

Samantala, mukhang magkakaroon na ng linaw ang paglipat ni Matteo sa GMA ngayong mawawalan na siya ng regular show.

Sinasabing heavy financial losses ang dahilan ng pagkakasibak sa Tropang LOL on the part of Mayor Benitez. Ronnie Carrasco III

Manila, Philippines – Tiyak na marami ang natuwa sa latest na ibinalita ng online show na Showbiz Now Na tungkol kay Kris Aquino.

Ayon sa ulat ni Cristy Fermin, bumubuti na raw ang kalagayan ngayon ni Kris.

At ‘yun daw ay dapat ipagpasalamat sa kanyang Indian doctor.

Nagngangalang Dr. Sudhir Gupta ang nasabing manggagamot na dinarayo pa raw ng mga maysakit ng tulad kay Kris mula sa iba’t ibang bansa.

Ani Cristy, sa wakas daw ay natumbok na ang pinagmumulan ng mga allergies ni Kris dulot ng autoimmune disease.

Ngayon daw ay wala nang unsightly marks tulad ng pekas o pasa ang ilang bahagi ng katawan ni Kris.

At ang maganda pa raw sa Indian doctor na ‘yon ay katu-katulong din nitong nanggagamot ang kanyang anak na isa ring doktor.

Bale dalawang espesyalista na ang tumitingin ngayon sa Queen of All Media.

Isa nga roon ay ‘yung by appointment na bigla na lang siyang inabisuhan ng availability nito.

Matatandaang mag-iisang taon na ring namamalagi si Kris sa Amerika.

Napag-usapan nga rin sa SNN ang ‘di birong gastos ni Kris sa kanyang matagalang pagpapagamot, puwera pa ang mga pang-araw-araw na gastusin ng mag-iina.

Ayon sa mga SNN hosts, wala naman daw itong problema kay Kris na sa tantiya nila’y hindi lang milyonarya kundi bilyonarya pa. Ronnie Carrasco III